ПОВТОРНО Е ХАКИРАНА ПЛАТФОРМАТА БУКИНГ

Платформата за резервации на сместување Booking.com потврди дека имала хакери го пробиле безбедносниот систем и  добиле пристап до дел од податоците на корисниците.

Компанијата соопшти дека забележала „сомнителна активност“ што вклучувала пристап до одредени информации за резервација. По откривањето на инцидентот, оттаму тврдат дека се преземени мерки за ограничување на проблемот, вклучително и промена на ПИН-кодовите за засегнатите резервации и известување на корисниците.

Сè уште не е познато точно колку корисници биле погодени од нападот. Компанијата вели дека финансиските податоци не се компромитирани.

- Advertisement -

Како што е наведено во пораката испратена до корисниците погодени од инцидентот, напаѓачите можеле да пристапат до „одредени информации за резервација“, вклучувајќи имиња, е-адреси, домашни адреси, телефонски броеви и дополнителни податоци што корисниците можеби ги споделиле со сместувачките капацитети.

Ова е уште еден во низата безбедносни инциденти што влијаат на платформата. Booking.com се соочи со зголемување на онлајн измамите во последниве години, каде што корисниците често се измамени да внесат детали за плаќање под изговор за „потврдување“ на резервација, по што им се наплаќаат големи суми.

Сличен случај беше забележан и во 2018 година, кога напаѓачите користеа фишинг кампања за да добијат податоци за пристап на вработени во хотели во Обединетите Арапски Емирати, а потоа пристапија до податоците на повеќе од 4.000 корисници.