ПОТОНА ФЕРИБОТ СО 116 ПАТНИЦИ И ЧЛЕНОВИ НА ЕКИПАЖОТ

Ферибот со 116 патници и членови на екипажот потона во текот на ноќта крај брегот на Гвајана. Досега се пронајдени и спасени 53 лица, соопшти премиерот на Гвајана Марк Филипес.

– Околу 15:15 часот по локално време вчера попладне фериботот Барима (MV Barima) исплови од Џорџтаун со 116 патници и со членовите на екипажот кон Порт Кајтума во западниот дел на Гвајана. Во 23:01 часот беше примен повик за помош од бродот. Веднаш беа активирани спасувачки операции со државни и со приватни ресурси. Потрагата по преживеани продолжува со полн капацитет, а во оваа почетна фаза успеавме да спасиме осум лица – изјави министерот за јавни работи на земјата, Хуан Едгил во првичното видеообраќање објавено на социјалната мрежа Фејсбук.

Подоцна премиерот соопшти дека се спасени 53 лица.

- Advertisement -

Властите во Гвајана сè уште немаат официјални информации за причините за потонувањето на бродот.