ПОРАНЕШНИОТ ДЕЧКО НА ПОЧИНАТАТА МАНЕКЕНКА СЕ ОГЛАСИ НА ИНСТАГРАМ
Поранешниот дечко на австралиската манекенка Сахара Реј, раперот Крис Мајлс, се прости од неа со емотивна порака на социјалните мрежи. Тој објави и стари фотографии од нивната врска, на кои се гледаат необичните тетоважи што си ги посветиле еден на друг. Реј почина на 34 години, а нејзината смрт ја потврди семејството. Официјалната причина сè уште не е објавена, иако некои медиуми пишуваат за сомневање за предозирање со фентанил.
Мајлс сподели и снимка од екранот со нивната последна размена на пораки, која се случила во септември. Во неа, Сахара му честитала за музичкиот успех. Покрај објавата, раперот ѝ упати емотивни зборови:
– По ѓаволите, душо. Толку добро ти одеше. Ќе те сакам во секој живот. Не можам да поверувам. Твојата душа беше толку чиста, но Бог ти даде скршен ум – напишал тој, додавајќи дека не заслужила да поминува низ толку болка и дека му е неизмерно жал. Објавата со нивната приватна комуникација набргу потоа ја избриша.
Подоцна, Мајлс споделил и заматена фотографија од ѕид со кратката порака „Ми се повраќа“, а потоа објави галерија со постари фотографии од времето кога биле заедно. На една од нив се гледаат нивните тетоважи, кои привлекуваат внимание поради необичните пораки. На подлактицата на раперот пишувало „Сахара ме уби“, додека манекенката имала истетовирано „Крис Мајлс ме спаси“.
Нивните заеднички фотографии и во минатото предизвикувале реакции. Во март 2023 година, една фотографија на која Сахара позирала со пушка предизвикала загриженост кај дел од јавноста. Мајлс тогаш тврдел дека станува збор за лажно оружје.
Сахара Реј беше австралиска манекенка и дизајнерка на костими за капење, а пошироката јавност ја запозна во 2016 година, кога беше поврзувана со Џастин Бибер. Таа ја основа сопствената марка „Сахара Реј Свим“, а во јануари годинава стана мајка на ќеркичката Сноу. Нејзината последна објава на Инстаграм, во јули, беше посветена токму на бебето.
Во последните години Реј зборувала и за сериозни лични и здравствени проблеми. Во 2021 година открила дека побарала помош за лекување од зависност, а во 2024 година ѝ бил дијагностициран Гилен-Бареовиот синдром по сообраќајна несреќа, поради кој привремено не можела да оди. Нејзиното семејство соопшти дека починала во болница, опкружена со најблиските, и ја опиша како исклучително сакана жена.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
