Пловел со вклучени системи за следење, САД не го сопреле

Голем ирански танкер за сурова нафта влезе во иранските територијални води откако помина низ Ормускиот Теснец, и покрај заканите за блокада од страна на САД, објавија иранските медиуми.

Според новинската агенција Фарс, супертанкерот, кој може да носи околу 2 милиони барели сурова нафта, пловел во меѓународни води и низ Ормускиот Теснец со вклучен систем за следење, без никакво прикривање.

Командантот на ЦЕНТКОМ вчера изјави дека американските сили „целосно ја запреле“ поморската трговија кон и од Иран.

- Advertisement -

Централната команда на Блискиот Исток во понеделникот почна блокада на целиот поморски сообраќај што влегува и излегува од иранските пристаништа. ЦЕНТКОМ соопшти дека блокадата се „наметнува непристрасно на бродовите од сите нации“ што влегуваат или излегуваат од иранските пристаништа во Персискиот Залив и во Оманскиот Залив.

Блокадата следеше по директните разговори меѓу САД и Иран во текот на викендот во Пакистан, со цел да се стави крај на војната што започна на 28 февруари, но не се постигна договор.