ОТКРИЕНА МИНИ ПЛАНТАЖА СО КАНАБИС

Полицијата привела 50-годишен скопјанец откако при претрес во неговиот дом во скопската Општина Аеродром биле пронајдени дрога и насади со канабис. Акцијата ја спровеле полициски службеници од СВР Скопје.

Според информациите од полицијата, лицето В.В. било лишено од слобода на 20 април, а претресот бил извршен по претходно обезбедена судска наредба. Во неговиот дом биле пронајдени 41 саксија со насади од канабис, како и прашкаста материја, марихуана, капсули и опрема за одгледување на растенијата.

Меѓу одземените предмети имало и рефлектори и канти кои се користеле за одгледување на насадите, што укажува дека станува збор за организирано одгледување во домашни услови.

- Advertisement -

Од полицијата информираат дека по целосно документирање на случајот против осомничениот ќе биде поднесена соодветна кривична пријава.