Омилениот пијалак содржи големи количини витамин клучен за работата на мозокот

Пивото содржи големи количини на витамин клучен за функцијата на мозокот, вели новата научна анализа која носи интересни, но и малку неочекувани резултати. Станува збор тоа дека повременото пиење пиво може да придонесе за внес на витамин Б6 – нутриент клучен за здравјето на мозокот, крвта и имунолошкиот систем.

Иако пивото никако не се препорачува како извор на витамини, истражувањето покажува дека една „порција“ може да обезбеди и до 15 проценти од дневната потреба за овој есенцијален витамин, а во некои случаи и значително повеќе. Интересно е што истиот ефект може да се постигне и со безалкохолно пиво, пренесува Би-Би-Си.

Витаминот Б6 природно се наоѓа во многу намирници – од месо и риба, до житарки, компири и мешунки. Вистински недостаток на овој витамин е редок во развиените земји, но благо намалени нивоа може да се појават, често заедно со недостиг на други витамини од Б групата, како Б12. Таквата комбинација може да доведе до замор, слабост и мачнина.

Повеќе за ова на порталот „Арт кујна“.