Охрид загуби уште една урбана легенда, почина Наумче Новески, Џими

Охрид остана без уште една своја урбана легенда, по кратко боледување, во 60-тата година од животот, денеска почина Наумче Новески, Џими. Мачно дете на генерацијата, полн со космополитски дух, вљубеник во Националниот парк Галичица каде го помина својот работен век. Познат по своите „езопски” колумни и настапи, дел од секојдневниот живот на Охрид, ведар, насмеан, секогаш спремен за шала дури и на свој „трошок”.
Посмртните останки на Наумче Новески, Џими ќе бидат изложени во капелата на градските гробишта во Охрид во среда, 17 јуни, од 13:00 до 13:30 часот, по што тој ќе биде погребан.
Редакцијата на Охридска и уредникот Сашо Денесовски изразуваат сочувство до фамилијата на Наумче Новески, Џими.