ОХРИД ОДИ ПО ЕВРОПСКИ ТРОФЕЈ

Ракометарите на ГРК Охрид обезбедија историски пласман во финалето на ЕХФ Европскиот куп, откако вечерва по драматичен меч го елиминираа словенечкиот Целје на пенали со 4-3. Во регуларниот дел, реваншот во салата СЦ Билјанини извори заврши со победа од 25-24 за охриѓани.

По минималниот пораз од 26-27 на првиот натпревар во Словенија, охридскиот тим одигра одличен реванш и на десетина секунди пред крајот дојде до посакуваната предност од два гола (25-23). Сепак, гостите во последниот напад постигнаа гол и го однесоа мечот во пенал-рулет.

Во пенал серијата, херој беше голманот Пилиповиќ, кој го одбрани клучниот удар во шестата серија и му донесе голема радост на домашниот тим и навивачите.

- Advertisement -

Натпреварот беше израмнет од самиот почеток. Во првото полувреме ниту една екипа немаше поголема предност од еден гол, а истото темпо продолжи и во вториот дел. На две минути до крајот, при резултат 23-23, Ѓукиќ и Лиапис донесоа предност од два гола, но Целје во последните секунди повторно се врати во игра.

Во пеналите, Охрид беше посмирен и поефикасен. Јасухира со девет голови беше најефикасен во составот, додека Пилиповиќ запиша 12 одбрани и го реши натпреварот.

Во финалето, охридскиот тим ќе се соочи со унгарскиот Татабања, кој го елиминираше Извиѓач со вкупен резултат 68-67.