Нови закани со бомби во Хрватска, полицијата врши инспекција на училиштата и градинките

Заканите со бомби во Хрватска продолжуваат и денес. Неколку училишта и градинки во Загреб добија пријави за сомнителни експлозивни направи, додека слични пријави стигнаа и до училиштата во областа Задар. Децата и вработените се евакуирани, а полицијата ги проверува објектите.

Според полицијата, пријавите биле примени по е-пошта утрово, а полицијата е на терен и ги проверува објектите.Министерот за внатрешни работи Давор Божиновиќ објасни во четврток дека Хрватска добила околу стотина вакви закани во изминатите неколку дена, од кои сите се покажале како лажни. Тој додаде дека пријавите доаѓаат од лажни е-адреси од странство и дека полицијата ги бара сторителите со помош на Европол и американските агенции.