Ниски температури и многу силен ветер

Времето денеска ќе биде претежно облачно и студено со врнежи од дожд, а во повисоките места од дожд и снег. На планините врнежите ќе бидат од снег.

Ќе дува умерен до засилен северен ветер, наместа и над 70 километри на час.

Минималната температура ќе биде во интервал од 2 до 8, а максималната ќе достигне од 5 до 13 степени.

- Advertisement -

Во Скопје времето ќе биде претежно облачно и студено со врнежи од дожд. Кон крајот на денот во повисоките делови од котлината врнежите ќе бидат од дожд и снег. Ќе дува умерен до засилен северен ветер. Минималната температура ќе се спушти до 7, а максималната ќе достигне до 8 степени.

Утре ќе биде променливо облачно и студено, а наместа повремено ќе провејува слаб снег. Ќе дува засилен северен ветер.

Потоа времето ќе биде стабилно и ветровито со утринските температури кои насекаде ќе бидат негативни, а дневните ќе бидат во пораст.