Несекојдневна глетка ги изненади жителите на Солун во текот на ноќта, откако цел чопор од дури 12 диви свињи се појави на улиците во станбената населба Триандрија

Несекојдневна глетка ги изненади жителите на Солун во текот на ноќта, откако цел чопор од дури 12 диви свињи се појави на улиците во станбената населба Триандрија.

Животните биле снимени како сосема мирно и без страв се движат по асфалтот, провлекувајќи се меѓу паркираните автомобили и станбените згради.

Се претпоставува дека потрагата по храна ги довела животните во урбаната средина, каде што, според наводите, природните извори на храна стануваат сè посиромашни.

- Advertisement -

Глетката ги шокирала и изненадила голем број минувачи и жители кои ги набљудувале дивите свињи од своите прозорци.

Сепак, ова не е првпат диви свињи да навлезат во населените делови на Солун. Слични случаи биле регистрирани и претходно, а стручњаците објаснуваат дека животните сè повеќе се приспособуваат на условите во градската средина.

Поради тоа, локалните власти редовно апелираат до граѓаните да останат смирени доколку наидат на диви свињи, да не им се приближуваат и во никој случај да не ги хранат.

Снимката од необичната „ноќна патрола“ на 12-те диви свињи брзо привлече внимание, особено поради тоа што животните без страв се движеле меѓу зградите и автомобилите.