Нашите ракометари покажаа дека се подготвени за Светското првенство

Ракометната репрезентација на Македонија во неизвесен меч загуби во Вараждин од Хрватска со 27-25 на генералната контрола пред почетокот на Светското првенство.

Македонија одигра рамноправен натпревар против фаворизираниот противник, па домаќинот добро се намачи за да дојде до победата.

Нашата репрезентација имаше и предност по првото полувреме, водевме со 14-13 пред одморот благодарение на извонредна партија на Никола Митревски кој забележа 8 одбрани во тие 30 минути.

- Advertisement -

Сепак финишот им припадна на Хрватите.

Атанасијевиќ беше најдобар стрелец во нашиот состав со пет голови, Костески постигна четири, Кузмановски и Серафимов по три.