Туниската крајбрежна стража ги извлече телата на 27 африкански мигранти откако два брода со кои се обидуваа да го преминат Средоземното Море потонаа во близина на брегот, соопшти во четвртокот националната гарда.
Бродовите потонаа во близина на градот Сфакс, појдовна точка која често ја користат африканските мигранти.
Крајбрежната стража спасила 87 лица од тие пловни објекти, соопшти националната гарда.
Минатиот месец, туниската крајбрежна стража ги извади телата на околу 30 други мигранти во два одвоени инциденти, откако потона брод на пат кон Европа.
Тунис се бори со невидена миграциска криза, а земјата сега ја замени Либија како главна појдовна точка за Тунижаните и луѓето од другите делови на Африка во потрага по подобар живот во Европа.
