ВМРО-ДПМНЕ во мај ќе ги соопшти кандидатите за градоначалници на претстојните локални избори, најави денеска премиерот Христијан Мицкоски.
– Сè уште не сме донеле одлука за имињата на кандидатите за градоначалници. Во тек е внатрепартиската дебата. Од страна на општинските комитети се пристигнати предлози со имиња кои треба да се најдат во анкетите, во мерењата. Во втората половина на јануари започнуваме со интензивни мерења. Очекувам во втората половина на мај на граѓаните да им ги соопштиме околу 90 проценти од имињата на кандидатите за градоначалници кои ќе ги предложи ВМРО-ДПМНЕ и коалицијата Твоја Македонија – рече премиерот Мицкоски, одговарајќи на новинарски прашања во Штип.
Локалните избори ќе се одржат во октомври.
