Најголем скок има кај цените на зеленчукот од 38%

Цените во земјоделството во март 2026 година, во однос на истиот период од претходната година, се зголемени за 5,2 % кај инпутот и за 23,4 % кај аутпутот, објави Државниот завод за статистика.

Во делот инпут, во март 2026 година, во споредба со март 2025 година, има зголемување на цените на инпут 1 (тековно потрошени средства во земјоделството) за  5,0%, а зголемување на цените на инпут 2 (средства наменети за инвестиции во земјоделството) за 6,5 %.

Зголемувањето на трошоците во земјоделството е резултат пред се на порастот на трошоците за горивата за 8,8%, потоа на семенскиот материјал за 4,9%, средствата за заштита на растенијата за 5%, ветеринарните услуги за 14,9% и добиточната храна за 4,7%. Во март и трошокот на земјодлеците за купување на опрема и машини е повисок за 11,3% , како и  за транспортната опрема за 7,2%.

- Advertisement -

Во делот аутпут, во март 2026 година, во споредба со март 2025 година, цените на растителното производство се зголемени за 27,9 %, на зеленчукот за 38,1% , на овошјето и грозјето за 10,6%, а цените на добиточното производство се зголемени за 0,7%.