Мицкоски најави бескомпромисна борба со сивата економија

Топ Вести - Слушај сега

Нашата политика е јасна – стабилни јавни финансии и заштитен животен стандард. Ќе продолжиме со дисциплина во приходите, со одговорност во трошењето и со чувствителност кон реалните потреби на граѓаните – рече премиерот Христијан Мицкоски во обраќање на годишната конференција „Формализација на неформалната економија: Преку соработка до успех“.

- Advertisement -

Борбата против сивата економија, рече тој, не е кампања, тоа е процес, контролата на цената не е популизам, тоа е заштита на граѓаните.

– Ќе бидеме и цврсти и праведни. И кон оние што избегнуваат обврски и кон оние што се обидуваат да профитираат од кризите затоа што нашата обврска е јасна – економија со ред, пазар со правила, држава со достоинство – рече Мицкоски.

Тој додаде дека сивата економија е изгубен приход за државата, изгубена можност за повисоки плати, подобри болници, модерни училишта, посигурни пензии.

– Таа создава нелојална конкуренција, ја руши довербата во институциите и го демотивира секој што работи чесно. Нашата цел е јасна – формалната економија да стане попривлечна од неформалната, да биде полесно, поисплатливо и посигурно да се работи легално – рече Мицкоски.

Тој смета дека борбата со сивата економија не може да биде само инспекциска, туку системска.

-Затоа работиме на дигитализација на процесите (е-фактурирање, електронски пријави, поврзување на бази на податоци), намалување на административните бариери за регистрација на бизнис, стимулации за формално вработување и поддршка за микро и мали претпријатија и зголемена транспарентност и размена на податоци меѓу институциите – рече Мицкоски.