Премиерот Христијан Мицкоски и министерот за спорт, Борко Ристовски, денеска присуствуваа на подготовките на машката сениорска ракометна репрезентација.
Тие на ракометарите и на стручниот штаб им ги честитаа празниците и им посакаа успех на претстојното Светско првенство кое ќе се одржи во овој месец во Хрватска, Данска и во Норвешка.
Во знак на благодарност за поддршката, селекторот на репрезентацијата Кире Лазаров на премиерот Мицкоски му подари персонализиран дрес со број 1.
