Дали некогаш сте слушнале за градот Проспера, кој се наоѓа во Централна Америка? Не грижете се, приватниот град останува тајна дури и за многу од неговите жители.
Градот Проспера, кој се наоѓа на хондураскиот остров Роатан, е малку поинаков од обичните градови, пишува хрватскиот Пункуфер.
Проспера е приватен град кој се простира на површина од приближно 2,5 квадратни километри и има население од околу 2.000 жители. Од нив, само околу 200 се постојано вработени таму, додека огромното мнозинство се е-резиденти.
Во 2017 година, колумбискиот бизнисмен Ерик А. Бримен го основа градот со поддршка на тогашниот претседател на Хондурас, Хуан Орландо Ернандез, како дел од законот за зони за вработување и економски развој (ZEDE).
Бримен сакал да создаде град-модел кој ги комбинира технолошките иновации, луксузот и поповолните деловни можности.
Просперо нема традиционален градоначалник, но слична функција ја извршува локалниот технички секретар, Хорхе Колиндрес. Градот е исто така управуван од компанијата Хондурас Проспера.
По промената на владата во 2022 година, законот ZEDE беше прогласен за неуставен бидејќи ги кршеше основните одредби од Уставот на Хондурас, вклучувајќи ги одредбите за суверенитет, територијален интегритет и демократски принципи. Потоа градот ја тужеше владата на Хондурас и продолжи да работи.
За да го посетите Просперо, прво мора да поминете низ контролен пункт со стражари, каде што можете да добиете привремена туристичка дозвола за влез во градот.
