Mета отпушти 10% од своите вработени што се оправдува со инвестирањето во развојот на вештачката интелигенција
Mета отпушти 10% од своите вработени што се оправдува со инвестирањето во развојот на вештачката интелигенција.
Заедно со отпуштањата, Mета преместува 7.000 вработени на позиции поврзани со вештачката интелигенција.
Реорганизацијата, која компанијата ја опиша детално за прв пат во интерен меморандум во април, вклучува елиминација на околу 8.000 работни места и непополнување на околу 6.000 отворени позиции. Вработените опфатени со ова реструктуирање беа известени вчера.
Во април, Мета објасни дел од финансиската позадина на одлуката, велејќи дека таа ги зголемува капиталните расходи за 2026 година на помеѓу 125 милијарди и 145 милијарди долари. Причината се „очекувањата за повисоки цени на компонентите оваа година и, во помала мера, дополнителни трошоци за центри за податоци за иден капацитет“, се наведува во извештајот за првиот квартал од 2026 година.
„Ова е најдинамичниот период што сум го видел во нашата индустрија. Оптимист сум за сè што градиме за да им овозможиме на милијарди луѓе да се изразат себеси и да се поврзат со луѓето за кои се грижат. Ја трансформираме нашата компанија за да се осигураме дека таа секогаш е најдоброто место за талентирани луѓе кои сакаат да имаат најголемо влијание“, пишува извршниот директор Марк Закерберг во меморандум испратен вчера до вработените.
Вработените во САД кои беа отпуштени ќе добијат отпремнина што вклучува четиримесечна плата, плус дополнителни недели за секоја година служба во Мета. Исто така, се обезбедува дополнителна поддршка, вклучително и помош со имиграциски прашања и здравствено осигурување.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
