Меѓународниот ден на архивите – 9 јуни, се одбележува секоја година во чест на основањето на Меѓународниот совет на архивите (ICA) во 1948 година, под покровителство на УНЕСКО

Меѓународниот ден на архивите – 9 јуни, се одбележува секоја година во чест на основањето на Меѓународниот совет на архивите (ICA) во 1948 година, под покровителство на УНЕСКО.

Во периодот од 8 до 12 јуни се одржува Архивската недела, која го нагласува значењето на архивите како активни чинители во зачувувањето на колективната меморија, заштитата на правата на граѓаните и градењето на иднината. Овогодинешното мото ја истакнува потребата архивите да бидат отворени, достапни и поврзани со заедницата, покажувајќи дека тие не се само чувари на минатото, туку и важен фактор во развојот на современото општество.

По тој повод, Државниот архив организира серија настани посветени на промоцијата на архивското наследство и неговата достапност за јавноста. Ве покануваме да ги проследите следните настани: 9 јуни, 12 часот, НУ “Музеј на тетовскиот крај” во Тетово – промоција на книга и изложба посветени на османлискиот период во Македонија. 10 јуни, 12 часот, во НУ ЦК “Трајко Прокопиев” во Куманово – промоција на јубилејното издание „Државниот архив – столб на македонското битие“, проследена со изложба по повод јубилејот на Државниот архив.

Државниот архив упатува покана до медиумите да присуствуваат, да ги проследат настаните и да известуваат за активностите со кои се одбележува Архивската недела.