Македонската рок-сцена доби свеж и енергичен звук – младата група „Mayday“ денеска ја претстави својата нова песна „Пари“ – нумера што има сè што е потребно за да стане вистински радио-хит: моќен вокал, заразен риф и текст што зборува во име на младината која не сака да биде купена.
Во времиња кога многу бендови се плашат да бидат директни, дечките од „Mayday“ врескаат од срце и ја говорат вистината.
Песната „Пари“ не е само музичка песна – тоа е манифест на генерација која се гуши во материјализам, но уште верува во звукот на вистинските инструменти и чиста емоција.
Зад микрофонот стои харизматичниот Макс Маринковиќ, кој со својот вокал ја води приказната низ електричен облак на гитари и ритми. Слободан Неделковски ја држи ритам-гитарската основа, додека Добре Бошков на соло-гитара внесува оган и динамика. Бас линиите на Димитар Кратовалиев се длабоки и пулсирачки, а Дарко Неделковски на тапани е вистински мотор на целата композиција.
Песната е авторско дело на групата, со текст на Зоран Рудан Цеки. Аранжманот го потпишува искусниот Дарко Тасев, додека за звукот што се пробива низ звучниците се погрижи Кристијан Габровски-Бомбата Kristijan, задолжен за микс и мастер.
Уживајте:
