Лишен од слобода е возачот кој на автопатот во изградба Охрид – Кичево со возило удри и тешко повреди работник од Кина

Лишен од слобода е возачот кој на автопатот во изградба Охрид – Кичево со возило удри и тешко повреди работник од Кина, соопшти полицијата.

На 15.06.2026 во 07:55 часот во СВР Охрид е пријавено дека на автопатот во изградба Охрид – Кичево, кај селото Оровник, општина Дебарца, К.Ш.(32) од селото Корошишта, Струшко, управувајќи патничко возило „мерцедес“ со струшки регистарски ознаки, изгубил контрола над возилото и удрил во шахта, а потоа во Л.Ј.(46) од Народна Република Кина, со престој во селото Извор, кој извршувал работни задачи на автопатот.

Во несреќата со тешки телесни повреди се здобил Л.Ј., додека со телесни повреди се здобил возачот на патничкото возило, констатирани во Специјалната болница „Свети Еразмо“ Охрид.

- Advertisement -

По наредба на јавен обвинител, возачот К.Ш. е лишен од слобода, а увид извршила увидна екипа на СВР Охрид. По целосно документирање на случајот ќе следи соодветна пријава.