Лавров се сретна со Џинпинг во Пекинг

Русија и Кина играат стабилизирачка улога во меѓународните односи и се сè поважни за поголемиот дел од светот, изјави рускиот министер за надворешни работи Сергеј Лавров на средбата со кинескиот претседател Си Џинпинг во Пекинг.

– Односите меѓу Русија и Кина играат стабилизирачка улога во меѓународните односи. Нивната важност сè повеќе расте за остатокот од светот, за поголемиот дел од светот, кој не сака проблеми и превирања, туку мирни услови за одржлив развој – нагласи рускиот дипломат.

Лавров истакна дека преку нивната соработка, рускиот претседател Владимир Путин и кинескиот претседател Си Џинпинг „покажуваат висока отпорност на шоковите што го зафатија современиот свет, и економски и геополитички, и за жал, овие противречности сè повеќе добиваат воена димензија“.

- Advertisement -

Лавров го информираше Џинпинг и за средбата со кинескиот министер за надворешни работи Ванг Ји, а особено за подготовките за посетата на Путин на Кина.