Лавров најави контрамерка на потезите на Берлин

Русија ќе ги затвори филијалите на Гете-институтот во Москва, Санкт Петербург и во Екатеринбург, откако Германија одлучи да го затвори Рускиот дом во Берлин, изјави рускиот министер за надворешни работи Сергеј Лавров.

– Секако, тие ќе бидат затворени откако нашиот културен центар беше исфрлен (од Германија), инаку нема да се почитуваме себеси – рече Лавров на Источниот економски форум што се одржува во Владивосток.

Германската Влада официјално ја обвини Русија дека стои зад минатомесечниот инцидент со дрон на аеродромот „Лајпциг/Хале“ и најави контрамерки. Берлин одлучи на 18 септември да го затвори Генералниот конзулат на Русија во Бон.

- Advertisement -

Покрај тоа, Германија најави дека ќе го раскине договорот за функционирање на Рускиот дом во Берлин и ќе ги заостри контролите за влез на руски државјани.