Кузеска: Стоилковиќ отворено работи за кинеска и руска агенда – директен удар врз стратешките интереси на Македонија

Прес конференција на СДСМ, Богданка Кузеска – портпаролка и членка на ИО

Стоилковиќ отворено работи за кинеска и руска агенда – директен удар врз стратешките интереси на Македонија

Вицепремиерот Иван Стоилковиќ, најблискиот соработник на Мицкоски и втор човек во владата, отворено повикува на стратешка соработка со Кина.

- Advertisement -

По години застапување на српски и руски интереси, сега Стоилковиќ стратешки удри и на стратешкиот партнер на Македонија – Соединетите Американски Држави!

Сè што прават – од организирање митинг за поддршка на Вучиќ во Куманово заедно со Мицкоски, преку состаноци со Милош Вучевиќ во Скопје, до патувањето во Кина заедно со делегацијата на сестринската пaртија на ВМРО – СНС и Вучиќ, кој доби висок орден лично од Си Џинпинг за заслугите во блокирањето на европскиот пат – има една цел: блокирање на европскиот пат на Македонија.

По кинескиот кредит од една милијарда евра, што Мицкоски го зеде преку Орбан, парите се потрошени, а никој не знае точно за што, продолжува антиевропското делување на ВМРО и нивната криминална група.

Освен уредникот на Орбановите медиуми – Латас, уште еден соработник на српските служби и прв човек на Мицкоски за антиевропска пропаганда, сега Стоилковиќ јавно удри врз стратешките интереси на Македонија.

Во новиот стратешки документ на Стејт департментот јасно се нагласува дека Кина и Русија се малигни актери кои активно се обидуваат да ја искористат нестабилноста, корупцијата и слабата управуваност во Западен Балкан за да го прошират своето влијание.

Додека вицепремиерот на Македонија отворено промовира кинеска соработка и патува со Вучиќ, САД јасно гледаат во Кина и Русија закана за стабилноста и евроатлантската интеграција на регионот.

Ова е свесна политика на Мицкоски и неговата криминална група – да ја држат Македонија далеку од ЕУ, а поблиску до авторитарни сили и источни влијанија.

Граѓаните заслужуваат европска иднина, а не да бидат заложници на туѓи интереси и грабеж.

Реформи сега.

Малцинства во Уставот сега.

Европа сега.

Линк до видео: https://www.youtube.com/watch?v=yY1SGMJti6I