Косово затвори уште две српски институции

Косовската полиција денеска ја затвори Даночната управа во Северна Митровица, која функционираше во српскиот систем, поради наводни „незаконски активности“, и компанијата за осигурување и реосигурување „Дунав“ поради, како што е соопштено, немала лиценца за работа издадена од институциите на Косово.

Заменик-директорот на косовската полиција за северниот регион Ветон Елшани изјави дека за случајот бил информиран надлежниот обвинител, а на вработените во Даночната управа им е дозволено да ги изнесат само своите лични работи, јави Бета.

Во меѓувреме, во Северна Митровица е затворена и филијалата на Дунав осигурување поради сомневање дека наводно работи без лиценца.

- Advertisement -

Како што рече Елшани, полицијата во таа акција им помогнала на службениците на Централната банка на Косово, а информиран е и обвинителот кој случајот го окарактеризира како „злоупотреба на стопанска дејност“.

фото: МИА