Кој кого копира при сервирање на топката?

Топ Вести - Слушај сега

Младата ѕвезда на тенисот Карлос Алкараз му одговори на српскиот ас Новак Ѓоковиќ по неговата шеговита забелешка за „авторските права“ на неговиот начин на изведување на сервисот.

- Advertisement -

Во Мелбурн, по победата над Корентин Муте, Алкараз со насмевка кажа дека има „договор во џебот“ за авторските права.

– Новак ми испрати порака и кога ја видов, се изнасмеав. Нашите сервиси се слични, но тоа не значи дека сум го копирал. Едноставно ги менував работите и така излезе – рече Алкараз.

Ѓоковиќ претходно се пошегува дека му побарал пари на Шпанецот.

– Му реков дека мора да разговараме за авторски права. За секој поен да добијам процент – изјави српскиот ас.

Овој симпатичен дијалог меѓу двајцата шампиони ја освежи атмосферата во тенискиот свет и ја покажа меѓусебната почит меѓу генерациите.