Клоп, Зидан и уште две големи имиња во игра

Раководството на Реал Мадрид започна потрага по нов главен тренер кој треба да го замени Алваро Арбелоа, а клубот веќе разгледува неколку звучни имиња за клупата на „кралевите“.

Според информациите на „The Athletic“, мадридскиот гигант има четворица кандидати. Меѓу нив е и Јирген Клоп, кој е високо ценет од раководството, но засега нема официјален контакт меѓу двете страни.

Претседателот на клубот, Флорентино Перез, го смета за сериозна опција и Зинедин Зидан, но се очекува Французинот да ја преземе клупата на Француска фудбалска репрезентација.

- Advertisement -

Во комбинација се и Дидие Дешан, кој треба да ја напушти француската селекција по Светското првенство 2026, како и Маурисио Покетино, актуелен селектор на Фудбалска репрезентација на САД.

Потрагата по нов тренер доаѓа по синоќешниот пораз на Реал Мадрид од Баерн Минхен со 4:3 во реваншот од четвртфиналето на Лига на шампиони, резултат со кој „кралевите“ беа елиминирани од натпреварувањето.