Клековски: Маестро на состаноци во систем кој пропаѓа

Додека пациентите чекаат, функционерите состануваат

Македонското јавно здравство се наоѓа во длабока криза. Болниците должат милиони на добавувачи, аптеките редовно остануваат без основни лекови, а граѓаните чекаат со месеци за специјалистички преглед. Во такви услови, директорот на Фондот за здравствено осигурување, Сашо Клековски, најде решение , Лизинг.

Состанок наместо решение

- Advertisement -

Наместо итна реформа на системот, наместо исплата на постојните долгови, наместо набавка на лекови , Клековски свикал работна средба со претставници на НЛБ Лизинг, Sparkasse Leasing Macedonia и Стопанска банка Лизинг. Темата: медицинска опрема на рати.

Со други зборови, институцијата која веќе не може да ги плати своите обврски, разговара за преземање нови финансиски обврски. Со камата.

Јавни пари, приватни профити

Лизингот не е бесплатен. Секоја рата носи камата. Секоја камата оди во џебот на приватна финансиска институција. Парите за тие рати доаѓаат од придонесите на вработените граѓани , луѓето кои секој месец издвојуваат дел од платата верувајќи дека ќе добијат соодветна здравствена заштита.

Наместо тоа, нивните пари ќе финансираат профит на банкарски лизинг компании.

Хаштаг наместо одговорност

Постот на Клековски завршува со низа хаштагови: #ФЗО, #Лизинг, #Здравство, #МедицинскаОпрема, #Македонија. Модерно. Професионално. Фотогенично.

Само едно недостасува , резултати.

Македонскиот граѓанин не бара Instagram естетика во здравствениот систем. Бара лекар кој ќе го прими во разумен рок. Бара лек кој ќе го најде во аптека. Бара болница која функционира без да молиш или „мачкаш“.

Заклучок: Ни мајтап, ни бизнис , туку систем кој не функционира

Клековски веројатно не тера свесен мајтап. Но кога институција длабоко во долг организира состаноци за нови финансиски обврски наместо да ги решава постојните проблеми , ефектот е ист.

Народот плаќа. Системот пропаѓа. Функционерите „лизинг се  фотографираат.

А ФЗО останува , како и секогаш , посветен на унапредување на квалитетот на здравствените услуги. Барем во хаштаговите.

С.Д.