Кинескиот претседател Си Џинпинг порача дека треба да се одржува „нормален сообраќај“ низ Ормутскиот Теснец

Кинескиот претседател Си Џинпинг порача дека треба да се одржува „нормален сообраќај“ низ Ормутскиот Теснец. Си вчера разговарал телефонски со престолонаследникот и премиерот на Саудиска Арабија Мохамед бин Салман бин Абдулазиз Ал Сауд.

Во врска со моментната ситуација на Блискиот Исток и заливскиот регион, претседателот Си нагласи дека Кина повикува на итен и сеопфатен прекин на огнот, ги поддржува сите напори што придонесуваат за враќање на мирот и се залага за решавање на споровите преку политички и дипломатски средства.

– Во Ормутскиот Теснец треба да се одржува нормален премин, бидејќи тоа им служи на заедничките интереси на земјите од регионот и на меѓународната заедница. Кина ги поддржува земјите од регионот во градењето добрососедска заедница, развој, безбедност и соработка, држејќи ја својата иднина во свои раце и промовирајќи траен мир и безбедност – рече претседателот на Кина.