Ќерката на Анџелина и Бред поднесе барање за промена на презимето

Ќерката на Бред Пит и Анџелина Џоли, 21-годишната Захара, одлучи официјално да се откаже од презимето на својот татко, откако претходно, тоа официјално го направија нејзината сестра Шајло и братот Медокс.

Според документите кои ги пренесува Page Six, 21-годишната девојка побарала нејзиното име да биде Захара Џоли, наместо Захара Џоли-Пит.

Рочиштето е закажано за 28 септември каде што судијата ќе одлучи за промената на презимето. Поранешната двојка, која има шест деца заедно, не го коментираше потегот на нивната ќерка, но изворот рекол дека нејзиниот правен потег е „резултат на намерна кампања на отуѓување“, наведувајќи дека е „тажно да се види како едниот родител успешно ги отуѓува своите деца од другиот“.

- Advertisement -

Захара го отфрли презимето на својот татко за време на церемонијата на воведување во сестринството Алфа Капа Алфа во колеџот Спелман во Атланта во 2023 година. Во тоа време, кога имаше 18 години, се претстави како Захара Марли Џоли. Ќерката на поранешниот славен пар не го користеше презимето на својот татко дури ни кога дипломираше психологија во мај.

Нејзината сестра Шајло беше првата што законски го отфрли презимето на својот татко кога наполни 18 години во мај 2024 година. Минатиот месец, Медокс, исто така, поднесе барање за промена на името, откако претходно го отстрани презимето Пит од завршната шпица на филмот „Couture“, во кој главна улога има Анџелина, а на кој тој работеше како помошник-режисер.

Ќерката на Бред и Анџелина, Вивиен, исто така одлучи да не го користи презимето на својот татко кога помогна во продукцијата на претставата „The Outsiders“.
Синовите Пакс и Нокс сè уште не се откажале од презимето Пит, но тие исто така немаат блиска врска со својот татко.

Бред, според изворите, е скршен што неговите деца ги смениле презимињата, но исто така „не е подготвен да се откаже од нив“. Славниот актер има нестабилни односи со своите деца откако се раздели од Џоли во 2016 година, две години откако се венчаа. Двојката се раздели откако Пит наводно станал „вербално и физички насилен кон своите деца“ за време на летот со авион.

Поранешната двојка, која беше заедно од 2005 година, го финализираше разводот во декември 2024 година.