Калас потенцира дека не може да успее договор без ЕУ и без Киев

Никој во Европа не сака војната да продолжи, Украинците сакаат мир, изјави денеска високата претставничка на ЕУ за надворешна политика и безбедност, Каја Калас, на прес-конференција по состанокот на европските министри за надворешни работи во Брисел.

Таа нагласи дека секоја одлука за ова прашање мора да биде донесена со учество на Европа и на Украина.

– Договор без Украина и без ЕУ нема да успее, САД мора да соработуваат со нас – наведе Калас.

- Advertisement -

Таа истакна дека „нема сомнеж кој кого нападнал, Русија ја нападна Украина пред 3 години“ и оти „ЕУ ја поддржува Украина“.

Калас најави и дека се подготвуваат повеќе санкции против Русија откако Советот на ЕУ денеска ги прошири рестриктивните мерки против Москва и Минск.

Калас утре ќе отпатува за САД каде што ќе се сретне со државниот секретар, Марко Рубио.

Каја Калас (фото: EPA-EFE/OLIVIER MATTHYS)