Ја нагласија и важноста Блискиот Исток да биде без нуклеарно оружје

Шефовите на дипломатијата на арапските и муслиманските земји остро ги осудија нападите на Израел врз Иран и повикаа на деескалација на конфликтот.

Во заедничко писмо – потпишано од министрите на Египет, Јордан, Пакистан, Бахреин, Брунеи, Турција, Чад, Алжир, Комори, Обединети Арапски Емирати, Џибути, Саудиска Арабија, Судан, Сомалија, Ирак, Оман, Катар, Кувајт, Либија и Мавританија – се изразува „сериозна загриженост поради опасната ескалација во регионот“.

Тие „ја потврдија потребата од почитување на суверенитетот и на територијалниот интегритет на државите и на принципот на добрососедство“, повикувајќи ги сите страни мирно да ги решат своите спорови.

- Advertisement -

Исто така, министрите ја нагласија важноста Блискиот Исток да биде без нуклеарно оружје или друго оружје за масовно уништување и ги повикаа земјите да се приклучат кон Договорот за неширење нуклеарно оружје.

„Конфликтот треба да се реши преку дипломатија, а не со воени средства“, се наведува во заедничкото писмо.