ИЗГАСНАТ ГОЛЕМИОТ ПОЖАР ВО СОПШИШТЕ – Го гаснеа три Ер трактори

Изгаснат е големиот пожарот кај село Чифлик во Општина Сопиште каде гореше борова шума и во чие гаснење беа упротебени трите „ер трактори“ на Дирекцијата за заштата и спасување, соопшти Центарот за управување со кризи.

Градоначаникот на Сопиште, Јане Мицевски денеска од лице место соопшти дека пожарот избувнал во селото Чифлик кон селото Света Петка.

– Гори нискостеблеста шума, нема опасност за селото. Направен е коридор за да се спаси шумата на Водно. На терен интервенираат екипи од скопската противпожарна бригада со командирот Ѕвонко Томевски, припадници на општинското доброволно противпожарно друштво, дел од локалното население – рече Мицевски.

- Advertisement -

На терен интервенираа и 4 пинцгауери.

ЦУК информира дека денеска до 18 часот во Македонија се пријавени 11 пожари на отворен простор, од кои 3 се активни.

Активни пожари има во селото Бело Поле, Општина Долнени каде гори ниска вегетација, во селото Браилово во истата општина каде гори ниска вегетација и во селото Горно Лисиче, Општина Аеродром каде, исто така, гори ниска вегетација.