Избори во Шведска: Прелиминарните резултати покажуваат тесна предност за опозицијата

Изборните резултати во Шведска покажуваат тесна предност за опозицијата, според прелиминарните податоци што утрово ги објави изборната комисија.

Откако се преброени 94 отсто од гласовите во Шведска, опозицискиот блок – составен од партии со левичарска ориентација – има предност од три пратенички места.

Шведската изборна комисија соопшти дека четирите опозициски партии се на пат да освојат 176 места во парламентот со 349 пратеници, додека владејачката коалиција се очекува да освои 173 места.

- Advertisement -

Конечниот изборен исход можеби нема да се знае до среда.

Премиерот Улф Кристерсон, лидер на конзервативната Умерена партија, кој се бори за втор последователен мандат, вети дека ќе им понуди министерски функции на „Шведските демократи“.

Негова ривалка е Магдалена Андерсон од Социјалдемократската партија (центар-левица) – партија што честопати ги предводела шведските влади по Втората светска војна. Андерсон беше премиерка од 2021 година сè додека не ја загуби власта на последните избори.