Ирина Шајк ги привлече сите погледи со новите фотографии од Ибица

Ирина Шајк повторно привлече внимание со провокативни фотографии. Руската манекенка позираше за новата кампања на британскиот бренд Hunza G, а фотографиите се снимени на Ибица. Најмногу реакции предизвика кадарот на кој таа е топлес, облечена во црно мини-здолниште, додека со рацете ги покрива градите.

Во останатите фотографии Шајк носи различни модели костими за капење, меѓу кои и минијатурни бикини. Кампањата е за колекцијата Resort 2027, инспирирана од модата на почетокот на 2000-тите, со смели кроеви, текстурирани материјали и металик-детали.

Фотографиите ги направил фотографот Давит Гиоргадзе. Покрај бикините, колекцијата вклучува и едноделни костими за капење, мини-здолништа, кратки панталони и мини-фустани. Препознатливиот набран материјал на брендот е комбиниран со сјајни нијанси и детали што потсетуваат на модата од пред две децении.

- Advertisement -

 

View this post on Instagram

 

A post shared by irina shayk (@irinashayk)

Шајк открила дека соработката со брендот дошла природно, бидејќи со години ги сака нивните модели. Таа ја опишала колекцијата како секси и разиграна, со носталгичен призвук на 2000-тите. Снимањето на Ибица, опкружена со пријатели, за неа било посебно искуство.

Манекенката и на 40 години е една од препознатливите фигури во меѓународната модна индустрија. Поголемата светска популарност ја стекна во 2011 година, кога стана првата руска манекенка што се појавила на насловната страница на специјалното издание за костими за капење на списанието „Спортс илустрејтид“.