Светската ракометна федерација попладневно со соопштение информираше дека Ракометната федерација на Македонија е казнета парично со 10.000 швајцарски франци, за синоќешниот дуел меѓу Македонија и Холандија во Вараждин, поради инцидентите што се случија на трибините.
„Овие одлуки се носат со цел да се подобри целата безбедност за одигрување натпревари во Вараждин, а доколку тоа не се оствари, останува можност ИХФ целосно да ја елиминира салата во овој град од натамошните возбудувања на Мундијалот“, се наведува во соопштението.
Иста парична казна како РФМ добива и Хрватската Федерација.
Утре нашата репрезентација го игра клучниот меч против Гвинеја.
