Хаос во Турција: Осум студенти повредени во тепачка, еден е во критична состојба

Осум ученици се повредени во тепачка во училиште во истанбулската општина Башакшехир во вторникот, а еден од нив е во критична состојба, соопшти турскиот министер за здравство.

Состојбата на двајца други ученици се оценува како умерена до тешка, напиша министерот Кемал Мемишоглу на платформата „Икс“ (X), додавајќи дека сите осуммина се на болничко лекување.

Канцеларијата на гувернерот на Истанбул претходно соопшти дека пет ученици се повредени во судирот и дека е покрената истрага. Не беа дадени детали за нивната здравствена состојба или возраст.

- Advertisement -

Локалните медиуми, вклучително и „Хуриет дејли“ (Hürriyet Daily), известија за напад со нож извршен од ученик, при што се наведува дека мотивот останува непознат. Инцидентот се случил околу 8:40 часот наутро во училиште во населбата Кајабаши, објави државната агенција „Анадолија“.

На снимките споделени на социјалните мрежи се гледаат возила на брзата помош во училишниот двор и исплашени ученици.

Насилството во училиштата привлече големо внимание во Турција по низата инциденти што се случија оваа година.