Српскиот тенисер Новак Ѓоковиќ го победи Португалецот Џејми Фариа во второто коло на Австралија Опен 2025 година.
Мечот одигран рано утрово траеше три часа и заврши со резултат 3:1, по сетови 6:1, 6:7 (4:7), 6:3 и 6:2.
Во мечот, Новак го доби првиот сет со 6-1, но така не беше и во вториот сет кој го загуби во тајбрејк со 7-4. Ѓоковиќ ги доби наредните два сета со 6-3 и 6-2 и дојде до триумф од 3-1 во сетови.
Ѓоковиќ делуваше нервозно на теренот, врескаше за време на вториот сет во кој направи бројни грешки и на крајот го загуби.
Со ова српскиот тенисер има 430 настапи на грен-слем турнирите со што го надмина Федерер кој имаше 429 настапи.
Во третото коло, поранешниот светски рекет број 1 ќе се соочи со Чехот Томаш Мачац.
Грен слемот во Мелбурн се игра за награден фонд од 59,9 милиони долари.
