Французите спречија киднапирање на Мбапe

Француската полиција го истражува случајот на 18-годишниот Клемент Л., кој беше обвинет за организирање бандитски грабежи во Нантер на 21 август 2026 година.

Младиот човек е осомничен дека е еден од организаторите на серија напади врз куќи и планирани киднапирања.

Според истрагата, групата подготвувала или извршила напади на различни локации низ Париз и Бургундија помеѓу 11 април и 19 август. Целите наводно биле сопственици на компании, рапер и фудбалерот на Реал Мадрид, Килијан Мбапе.

- Advertisement -

Клемент Л. е приведен во притвор и ставен во самица, додека неговиот наводен соучесник е пуштен да се брани од слобода под судски надзор.Обвинителството тврдеше пред Апелациониот суд во Версај дека младиот човек веќе бил во затвор за тешки кривични дела и сега повторно е во центарот на истрага во која се вклучени познати јавни личности.

„Овој млад човек веќе беше во затвор поради сериозни факти, а сега го наоѓаме во нов случај во кој се вклучени рапер и познат фудбалер“, рече заменик-обвинителката, објаснувајќи дека изолацијата е мерка што може да спречи продолжување на криминалните активности.

Мбапе, според досегашните информации, не е осомничен ниту обвинет во овој случај, но неговото име се појавува како наводна цел на планирано киднапирање.