Фатени возачи без дозвола, со забрана и пијани

Топ Вести - Слушај сега

Полицијата вчера приведе 15 возачи низ државата поради сериозни прекршоци во сообраќајот – возење без дозвола, со активна забрана и под дејство на алкохол.

- Advertisement -

Според информациите од МВР, најголем дел од приведените, односно 10 лица, управувале возило без да поседуваат возачка дозвола. Тројца возеле иако имале изречена забрана за управување моторно возило од Б категорија, едно лице било фатено под дејство на алкохол, а еден возач истовремено возел без дозвола и во алкохолизирана состојба.

Од полицијата прецизираат дека по двајца возачи без дозвола биле откриени во Скопје, а по еден во Пробиштип, општина Старо Нагоричане, Куманово, Радовиш, Гевгелија, Гостивар, Тетово и Битола.

Во Скопје, Велес и Гостивар биле затекнати по еден возач што управувал возило и покрај активна забрана, додека во Штип бил приведен возач под дејство на алкохол. Во Кавадарци, пак, полицијата фатила лице кое возело и без дозвола и под дејство на алкохол.

Сите лица се задржани во полициска станица, а по целосното документирање на случаите против нив ќе следуваат кривични пријави.

Од МВР упатуваат апел до возачите строго да ги почитуваат сообраќајните правила и да не седнуваат зад волан без положен испит, со изречена забрана или под дејство на алкохол.