ФАНТАСТИЧНИ 27 МИЛИОНИ ЕВРА ЧИНИ ПОСЕТАТА НА ПАПАТА НА ФРАНЦИЈА
Стотици илјади луѓе присуствуваа на мисата на папата Лав XIV, што се одржа на централната париска авенија Елисејски Полиња.
Според процените на Ватикан на мисата присуствувале 700.000 луѓе, а претходно биле пријавени над 600.000.
Поглаварот на Римокатоличката црква ги повика верниците „да не ја чуваат верата само за себе“ туку „таа да се прелева, за тие што ги сретнете да закрепнат и да ја заситат својата жед“.
– Во преполниот град Париз се молам живата вода на Светиот дух да потече низ цела Франција – посочи Лав XIV.
На мисата присуствуваа и 2.400 свештеници, ѓакони и околу сто бискупи.
За безбедноста на мисата беа ангажирани околу 14.500 полицајци, жандарми, војници и пожарникари кои беа распоредени во Париз на вториот ден од четиридневната посета на папата, што ќе ја чини црквата 27 милиони евра.
Најголемиот дел од сметката ја покрива Католичката црква во Франција преку голема кампања за донации од верниците, помош од големи фондации и донатори, како и преку продажба на официјални сувенири.
Државниот буџет на Франција не плаќа директно за религиозните настани, но државата обезбедува целосна поддршка преку ангажман и распоредување на своите безбедносни и полициски сили за заштита на папата како шеф на држава. Единствен исклучок каде делумно се користат јавни средства е градот Мец, поради специфичниот историски статус и правен конкордат кој сè уште важи во тој регион.
Сите верски собири и литургии во Париз, Лурд и Мец се целосно бесплатни за граѓаните кои сакаат да присуствуваат.
Папата Лав XIV посетата на Франција ја почна вчера со молитва во реновираната катедрала Нотр Дам. Тоа беше првата миса на папа откако голем пожар уништи дел од готската катедрала во април 2019 година.
За утре е предвидено папата да го посети светилиштето во Лурд.
ЗА НАС
ОhridSky е ваш доверлив извор за сеопфатно и избалансирано покривање на вестите. Со посветеност на интегритет и точност, обезбедуваме длабинско известување кое ги открива приказните што се најважни.
Links
© 2025 OhridSky. Сите права задржани.
