Ердоган за време на молитвата посака „Алах да го уништи ционистичкиот режим“, реакции од Тел Авив Турскиот претседател Реџеп Таип Ердоган повика на уништување на Израел за време на молитвата за Бајрам во недела, што наиде на остар одговор од израелскиот министер за надворешни работи Гидеон Саар.
Ердоган, по посетата на џамијата за да го прослави Рамазан Бајрам, на толпата им порача: „Гледаме што се случува во Палестина. Нека Алах го уништи ционистичкиот Израел во неговото свето име“.
Тој, исто така, се молеше за милост за мачениците, како и за помош за ранетите, мислејќи на луѓето кои беа убиени или повредени во Појасот Газа.
Обраќањето на Ердоган наиде на реакција од Израел – министерот за надворешни работи на земјата, Гидеон Саар упати низа навреди кон Ердоган, пренесува N1 Сараево.
„Диктаторот Ердоган го покажа своето антисемитско лице. Тој е опасен за регионот, но и за сопствениот народ, што се докажа во последните денови“, рече Саар, алудирајќи на масовните протести поради апсењето на градоначалникот на Истанбул, Екрем Имамоглу, за кои постои сомневање дека се извршени по наредба на актуелната влада во Турција.
ПРОЧИТАЈ ПОВЕЌЕ: Уште еден масовен митинг во Истанбул поради уапсениот градоначалник СВЕТ 29 март 2025 година 0 Минатата недела Турција беше погодена од масовни протести откако судот во Истанбул нареди апсење на Екрем Имамоглу, градоначалникот на Истанбул и главен политички ривал на Ердоган.
„Да се надеваме дека членките на НАТО ќе сфатат колку е опасен – пред да биде предоцна“, рече Саар. Исто така, односите меѓу министерствата за надворешни работи на Турција и Израел станаа особено напнати во текот на викендот кога беа упатени меѓусебни обвинувања. Така, во саботата израелското министерство го осуди Ердоган, како и турското министерство за критики за израелските напади врз Либан, каде беа погодени неколку цели, меѓу кои и главниот град Бејрут.
„Додека насилно ги угнетува сопствените граѓани и масовно ги апси своите политички противници, Ердоган се осмелува да проповеда високи морални вредности на меѓународната заедница. Нема правда, закон или слобода во Турција на Ердоган. На Израел не му требаат апсурдните моралистички говори на Ердоган. Израел дејствува за да се заштити од реални закани и вистински напади – и ќе продолжи да го прави тоа“, соопшти израелското Министерство за надворешни работи.
Лидерот на Партијата за национално единство, Бени Ганц, изјавите на Ердоган ги нарече „срамни и апсурдни“ на мрежата Х.
Тој рече дека тие изјави „само докажуваат под колкав притисок е тој – и политички и личен – и со право“.
„Режимот на Ердоган претставува опасност за турскиот народ, за стабилноста на регионот и за целиот свет. Колку побрзо заврши овој режим, толку подобро“, заклучи Ганц, според „Џерусалим пост“.
„Геноцидот што се случува во Газа добива сè посериозни размери, со слики што го кршат срцето на секој со каква било совест, морал и разбирање“, рече Ердоган, додавајќи: „Како Турција, јасно го изразуваме нашиот став против оваа варварство и се обидуваме да ги залечиме раните на нашите браќа со наша помош ед ќе се издигне до небото Се надеваме дека наредниот период ќе доведе до будење во целиот свет по ова прашање.
