Двајца мажи се повредени откако товарно возило излетало од патот и се превртело во канал на скопската обиколница

Двајца мажи се повредени откако товарно возило излетало од патот и се превртело во канал на скопската обиколница, информираат од Министерство за внатрешни работи.

Несреќата се случила утринава околу 06:20 часот, кога во СВР Скопје било пријавено дека камион „мерцедес“ со приколка и косовски регистарски ознаки излетал од коловозот на делницата околу еден километар пред клучката Приштина, на Скопска обиколница.

По несреќата, повредениот возач и неговиот сопатник биле пренесени со возило на Итната медицинска помош во Комплекс клиники „Мајка Тереза“, каде им била укажана лекарска помош.

- Advertisement -

Од полицијата наведуваат дека се работи на утврдување на причините за сообраќајната незгода.