Два воза се судрија челно во Данска, неколку повредени

Два воза се судрија челно во Данска, при што неколку лица беа повредени, според локалните служби за итни случаи.

Несреќата се случила северно од Копенхаген на железничката линија помеѓу Хилерод и Кагеруп на истокот од земјата, соопшти полицијата.

Според претставник на противпожарната служба на пошироката област на Копенхаген, „два локални воза се судрија челно“, објави Ројтерс. Според извештаите, 17 лица се повредени, а четири лица се во критична состојба, објавија данските медиуми.

- Advertisement -

Данската полиција соопшти дека станува збор за сериозен инцидент и дека бројни полицајци, спасувачи и пожарникари биле присутни на местото на несреќата.

Според данскиот јавен радиодифузер DR, двата воза се судриле челно со прилично голема брзина. Железничката линија била затворена во двата правци. Степенот на штетата сè уште не е познат.