Дроги посилни од хероин и фентанил достапни преку интернет

Нова генерација синтетички дроги, познати како нитазени, веќе одземаат животи низ цела Европа, а истрагата на Детектор покажа колку е лесно денес да се добијат овие исклучително опасни супстанции преку интернет.

Новинарите се претставуваа како купувачи и во текот на неколку недели, без поголеми пречки, контактираа со продавачи кои нудеа да достават дрога до земјите во регионот преку редовни курирски услуги. Станува збор за супстанции кои можат да бидат многу пати посилни од хероин и фентанил, а експертите предупредуваат дека корисниците честопати дури и не знаат што земаат.

Разговаравме со авторот на истрагата, Енес Хоџиќ, за тоа колку се подготвени институциите да одговорат на новите форми на трговија со дрога, зошто онлајн платформите станаа простор за нелегален пазар и колку е ранлив регионот на ширењето на синтетичките дроги.