Доколку ЕУ не ги забрани автомобилите на дизел и бензин, може да дојде до нов бран на губење работни места во автомобилската индустрија

Олабавувањето на стандардите на Европската унија за емисии на CO2 кај патничките автомобили и комбиња би можело да доведе до губење на дури 185.000 работни места во европската индустрија за патнички возила до 2035 година, при што нивото на вработеност би останало значително под она од 2025 година. Ова се наведува во новата анализа на Меѓународниот совет за чист транспорт (ICCT) – независна, непрофитна истражувачка организација.

Причината за тоа е што, иако послабата регулатива може привремено да го запре губењето на работни места во производството на мотори со внатрешно согорување, таа истовремено ќе го забави растот на вработеноста во сектори како што се производството на електрични возила на батерии (BEV), производството и рециклирањето на батерии, како и инсталацијата и одржувањето на инфраструктурата за полнење. Како краен резултат, тоа ќе доведе до нето загуба на работни места, пренесува *Revija HAK*.

Од ICCT тврдат дека забраната за возила на бензин и дизел би овозможила нивото на вработеност да остане релативно стабилно до 2035 година; растот во целиот синџир на снабдување за електрични возила на батерии би создал доволно нови работни места за да се надоместат оние што ќе се изгубат во производството на мотори со внатрешно согорување. Понатаму, доколку овие стандарди се комбинираат со индустриски политики што го поддржуваат производството во рамките на ЕУ, оваа стабилност би можела да прерасне во долгорочен раст на вработеноста.
Европската унија моментално се наоѓа на пат што би можел да доведе до промена на одлуката за забрана на продажбата на нови возила на бензин и дизел од 2035 година па натаму. Наместо тоа, би се барало намалување на емисиите на CO2 за 85 отсто во споредба со 2021 година. Ова би важело за сите нови возила што се продаваат (во просек)…