Денеска сонце и јужен ветер, во Скопје магла

Времето денеска  ќе биде променливо облачно со сончеви периоди и со слаб јужен ветер, најавува Управата за хидрометеоролошки работи.

По котлините ќе има појава на магла и ниска облачност која во текот на денот ќе слабее.

Утринските температури ќе се симнат од минус 5 во Берово, до 4 степени во Гевгелија, а максималната температура ќе се искачи од 4 во Маврово, до 12 степени Целзиусови во Гевгелија.

- Advertisement -

Во Скопје времето ќе биде променливо облачно и тивко со појава на магла. Минималната температура ќе биде до минус 1, а дневната до 8 степени.

Во следните денови времето ќе биде променливо облачно со сончеви периоди и со пораст на дневната температура, особено на планините.

По котлините ќе се задржи магливо и постудено со пониска дневна температурата.

Постојната снежна покривка значително ќе се намалува од крајот на работната недела.