Чоколадо со супстанца од Виагра се појави нелегално на пазарот во Германија

Инспекторите за храна во Германија предупредуваат на здравствените опасности од храната што го содржи силденафил, средство за потенција, и која се продава нелегално.

Во март, општинската инспекција во Келн пронашла додаток во исхраната и пијалок наречен „Drill Ginseng Drink“ со активната супстанца од Виагра – силденафил – и го повлекла од промет, пренесува dpa.

Потоа, за време на контролата на киоскот, таа наишла на слободно достапни таблети со силденафил. И тие можат да имаат опасни несакани ефекти.

- Advertisement -

Тие можеле да се купат и преку интернет, но Amazon ги отстранил од продажба откако добил дојава, изјавил портпарол на Министерството за заштита на потрошувачите на Северна Рајна-Вестфалија.

Поради можни несакани ефекти, силденафилот може да се зема само со рецепт.

Конфискуваните производи немале одобрение во Германија.

Министерството издаде предупредувања за храна. Според декларацијата, нелегалните производи доаѓаат од Турција, односно од земја надвор од Европската Унија – што ја отежнува работата на германските контролори.

Сега во Келн, повторно ги пронајдоа спорните производи. Овој пат, за време на рутинска контрола на трговец, тие конфискуваа темно чоколадо „evelle Hilti“, на кое има срце со натпис „Водете љубов“.

Производот на турска компанија содржи силденафил, за кој е потребен рецепт.

Консумирањето чоколадо може да доведе до продолжена ерекција, главоболка, црвенило на лицето, нарушена перцепција и намалена способност за реакција.

Начинот на дистрибуција е непознат, но се претпоставува дека се продавало низ цела Германија. Министерството издаде предупредување и за чоколадото „Ginseng 48 hours Gold Chocolate“, кое исто така содржи силденафил.

Иста е приказната и овде – начинот на дистрибуција беше нејасен, а одговорниот субјект не беше именуван.