Членката на НАТО подигна 2 борбени авиони

Националниот воздушен простор на Романија е нарушен за време на ноќниот руски напад врз Украина, а зоната на веројатен влез на дрон е одредена во близина на границата, во југоисточниот округ Тулчеа, соопшти денеска Министерството за одбрана во Букурешт.

Романија, членка на НАТО, подигна 2 борбени авиони за да го надгледува воздушниот напад.

Паѓањето на делови од дронови и повредата на воздушниот простор на Романија се редовна појава во изминатата година и половина, откако Русија ја напаѓа украинската пристанишна инфраструктура на реката Дунав, наведуваат агенциите.